Сүүдэрт хүйтэн байна
Учир шалтгааныг нь мэдэж байвч хүн зарим зүйл дээр тэсэхийн аргагүй их уурладаг нь харамсалтай. Хүн заавал алдаж байж суралцах албатай гэж үү? Бусдын алдаанаас суралцах нь мэргэн хүний зан биш бил үү? Мэдэж байвч мэдрэхийг илүү их хүсэх нь хүний төрөлх зан бололтой. Анхны хүмүүсийн хувьд аваад үзэхэд тэд тэр модноос жимс идэж болохгүйг хамгийн сайн мэдэж байсан. Бурхан ховдог 2 хүнээс өөр хэндээ ч сануулах вэ дээ. Гэтэл тээд л амсмаар санагдаад, хальт ятгагдаад идэж л байдаг. Одоо үед ч гэсэн хүүхдүүдийг аль бага байхаас нь эхлээд архи, тамхи бол их хортой, муу зуршил шүү гэж сануулсаар байтал өсвөр насныхаа нартай өдрүүдийн аль нэгэнд нь тэднийг хэрэглээд үзчихсэн л байдаг шүү дээ. За цаашлаад дурлал гэдэг их адармаатай зүйл болохыг кино, дуу шуу, ном зохиол, тэр байтугай амьд жишээн дээрээс хүртэл байнга сонсдог хэрнээ өөрөө эвтэйхэн дурлачихгүй байнга шархдаж явах юм. Тийм ч болохоор бараг л хүн бүрийн анхных нь хайр бүтэлгүй байдаг биз. Хэрэв хүнд программ суулгачихдаг байсан ...