Монгол улс ардчилалынхаа түүхэндээ 5 дахь удаагаа ерөнхийлөгчөө сонгох сонгуулиа зохион байгуулж байгаа. Ард түмэн 90-ээд онд зөв замдаа орлоо гэж маш их найдаж байсан, үнэхээр ч тийм байсан. Гэхдээ миний мэдэх Монгол маань зөв замаар алхаад байгаа гэж би хэзээ ч хэлж чадахгүй. Авилгал хээл хахууль эцэстээ хүрч, ядуурал, ажилгүйдэл гэх мэт нийгмийн сөрөг үзэгдлүүд газар авч ард иргэд тартагтаа тулж байна. Нэг үгээр хэлэхэд амьдрахад хэцүү байна. Энэ бүх зүйл өөрчлөгдөх шаардлагатай, өөрчлөгдөх ч болно. Гол нь Энхбаяр гэдэг энэ шар дээлт байгаа цагт бид нар үзэхгүй гэдгийг хаана ч хэлнэ, хэнд ч хэлнэ.
Монгол улсын иргэнийхээ эрхийг эдлэж анх удаа төрийн тэргүүнийг сонгох сонгуульд оролцож үзлээ, саналаа дугуйллаа, долоовор хуруундаа тамгаа дарууллаа. Иргэн би сонголтоо хийсэн, ард түмэн маань бас өөрсдийн сонголтоо хийсэн. Хамгийн чухал зүйл гэвэл Энхбаяр нь байна уу Элбэгдорж нь гарна уу санал тоолог үйл явц шударга явагдах л хэрэгтэй, ёстой. Гэвч найруулсан хор энд тэнд бас байх шиг л байна.
Би дөнгөж сая Ардчилсан намын байранд байж болж буй үйл явдлыг газар дээрээс нь харж байгаад ирлээ. Олон хүнд итгэл найдвар төрж байна. Бас олон хүн сандарч байна. Нэг үеэ бодвол хэвлэл мэдээллийнхэн сайн ажиллаж, ард түмнийхээ өмнө хүлээсэн үүргээ сайн биедүүлцгээж байна. Одоо дүн мэдээг хүлээхээс өөр бид юу ч хийх вэ дээ.
