No автомашин Өдөр

Хагас нь сайн өдөр гэрээсээ алхсаар төв рүү орж ирлээ, баруун дөрвөн замаас эхлэн төв зам автомашины хөдөлгөөн хязгаарласан өдөр байв. Жилдээ хэдэн удаа нэг иймэрхүү үйл ажиллагаа зохион байгуулдаг нь уламжлал болсон нь тодорхой байна. Өмнө нь энэ замаар зөндөө л алхаж явдаг байсан ч яг мэдрээд дунд нь ороод алхах сайхан байлаа. Гэхдээ эн удаад би бараг 20 жил гартаа бариагүй гэрэл зургийн аппараттайгаа алхав. Тав гурван зураг даран урагшлах сайхан байдаг байсан дурсамж сэргээд хэсэг синдромтох шахав. Дуран чиглүүлж өөрийн харж мэдэрч байгаа зүйлээ кадр болгон авч үлдэх ер нь их л дажгүй таашаал шүү. Гэвч би нэгэнт нилээн хэдэн жил энэ таашаалаасаа татгалзаж өнгөрөөжээ... Чадвал бас зураг дардаг байсан Эрхмээг сэрээх санаатай. Хүмүүс өөр өөрийнхөө амралтын өдрөө өнгөрөөж би бол өөртэйгээ болзож байгаа юм уу даа. Хөгжим сонсоод, зураг дараад, энд тэнд кофе ууж амттан эргүүлээд хурган тансаглаад байгаа бололтой. Өнөөдрийн хувьд бас хэдэн юм сонсож байх хооронд толгойд үлдсэн нэг зүйл байна. Хийдэг зүйлсээ хийдгээрээ л хийсээр байж өөр үр дүн хүлээх нь тэнэглэл гэж. Эйнштэйн ч нэг иймэрхүү юм хэлсэн нь надад их таалагдсан бололтой би инста дээрээ пост болгоод өөртөө сануулж үлдсэн байдаг санагдана. Өөртөө ч би энийг олон хэлж байна даа. Сэтгэлгээ болон дадлаа өөрчлөхгүйгээр өнгөрсөнд минь тохиолдсон үр дүнгүүдээс өөр үр дүнг ирээдүйгээс хүлээнэ гэж байхгүйгээ мэдээд л амьхандаа арга хэмжээ аваад утгатай утгагүй хэдэн үг холбож өөрийнхөө ард гарах даалгавартай сууж байна. Эхний хэд хоног дажгүй ээ, бүр зураг аваад хараад сууж байна. Уран бүтээлч болох нь энэ маягаараа. Юутай ч хийдэг зүйлсээ өөрчлөх, өөр үр дүн гарах тухай яриа санхүүгийн үйл ажиллагаатай яриан дээр болсон бөгөөд би бороотой өдөр зориулж юм хадгалах тал дээр аймшигтай муу хүн тул түс тас л гэж чихэнд дандаа буудаг юм. Яахав төлөвлөгөөтэй тэнэг төлөвлөгөөгүй ухаантныг beat хийнэ л гэдэг юм. Бүх зүйл дээр хэрэгжих энэ зарчим санхүүгийн минь талбар дээр ороод ирэхээрээ намайг төлөвлөгөөгүй тэнэг болгочихож байгаа юм. Түдэй монголд ер нь санхүүгийн сайн боловсролтой, сахилга баттай хүн ер нь миний мэдэхээр цөөхөн санагддаг. Зээл гэдэг бүтээгдэхүүн монголын хамгийн их зарагдаж байгаа бүтээгдэхүүн байгаагаар бид үүнийг амархан харж болно. Хэдэн жаран амьдарчихаад одоо л юм хадгалах тухай бодож байгаа би ер нь юу ч хийж амьдарсан юм бүү мэд. Business гэдэг үг бас тэгж байгаад зэвүүн busyness гэсэн утгатай ч юм шиг. Амьдарч амжихгүй л завгүй гүйхийг хэлээд байгаа юм болов уу. Завгүй гүйж амжихгүй л амьдрая даа гэдэг шиг...