Бодлууд...

Он дууусахаас өмнө дахиж юм бичиж амжихгүй байх гэж бодсон юм, амжиж байх шиг байна. Хүний амьдрал яг тооцоолсноор явна ч гэж юу байхав. Өнөөдөр гэхэд би 4:59минутанд гэртээ байж байх ёстой. Амжих нь уу гэдэг шиг... Энэ жилийн сүүлийн өдөр өөр юуны тухай бичих билээ, өнгөрсөн оноо л дүгнэе. Эжийгээ алдсанаас бусдаар би их олон зүйл олсон байна. Одоо тэгээд өөрийгөө олчихвол болчих гээд байгаа юм уу хайшаа юм.  New year new me гэдгийн дагуу он гараад фитнесст явж тэнэгтэх вий. Ирэх жилийн хийх зүйлсийн тухай бодлууд ерөнхийдөө цэгцэрч байна, тайминг нь аятайхан таарч байна. Олон жил бодож явсан шивээсээ хийлгэхээр шийдсэн гэдгээ энд ингээд бичээд үлдээчихье, Танос чулуу цуглуулаад зорилгоруугаа нэг нэг алхам урагшилдаг шиг Эрхмээ бас нэг нэгээр урагшлаад байгаа бололтой.  Юутай ч олон жил аваагүй байсан амралт гэх үү пауз гэх үү тэр зүйлээ 2 жил гаруй хугацаанд авчихсан хүн одоо хийх зүйлсээ 40 хүртэл хэсэг бужигнуулах уу даа...

 Хорвоо дээр үүслийн тухай хоёр онол байна, хувьсалын болон бүтээлийн... Гайхалтай нь юу вэ гэхээр хувьссан байлаа гэхэд бас л нэг цэгээс эхэлсэн байх ёстой. Амь амьдрал гэж зүйл амьгүй зүйлээс үүснэ гэдэг бол ер нь миний мунхаг ухаанд бол боломжгүй санагддаг... Хүнээс хүн төрж, гүүнээс унага гардаг шиг төрөл зүйл болгон өөрийн өмнөх үеэс авсан генетикийн мэдээллээ үр удамдаа үлдээж амьдрал үргэлжилдэг. Хөдөлгөөн байгаа газар амьдрал байна гэж нэг газраас уншиж байсан юм байна. Хөдөлдөг зүйлсийг л бид амьтай гэж үзвэл салхи, ургамал, ус, гээд амьтнаас өөрөөр оршин байдаг хөдөлдөг зүйлсийг бид мөн амьтай гэж үзэх ёстой болно.  Салхийг чи аргамжиж чадах уу? Далайг чи булшилж амжих уу? Уулыг чи нүүлгэнэ гэх үү? Оршихуйн тухай яриа үргэлж ямар нэг мухардалд хүрдэг ч хүн болгоны хувьд өөрийнх нь үзэл тухайн цаг мөчдөө үнэн гэдэг нь харин худал биш байх. Гэвч туйлын үнэн гэдэг бас нэг ойлголт байна. Бүтээлийн онолыг хүлээн зөвшөөрдөг хүмүүс Бурханд итгэдэг гэдэг нь ер нь бол тодорхо...

 Ийм нэртэй бар олон жилийн өмнө Улаанбаатарыг цэгцэлж байсан үед ах нь хэдэн удаа шоудаж үзсэн байдаг юм... Таксаа төлж нэгжүүлээд, тамга дарна гаран дээр гээд л дуу хүртэл тэр баранд болсон үйл явдлаар эхэлж байж билээ. Наанаа нэг хэсэгтэй, цаанаа үндсэн танхим, хоёр тийшээ дээшээ өгсдөг вип хэсэгтэй, буруу санаагүй бол $100-ийн ширээтэй байдаг байсансан.  Омголон байжээ, ширээн дээр л сууна. Дүүпс даапс гээд л хөгжмийн чимээ, гэрлийн хугаралд хурган бүжиглэмэр аядана. Халтар англи хэлтэйдээ бардан хэдэн гадаадуудыг монгол охин найрах гэж оролдсоных нь төлөө шийтгэж зөндөө л тэнэг тэнэг яриа өдөж явлаа залуудаа. Нанчилдаан хүртэл хийж, наана цаана савсаганаж л байлаа. Гэхдээ би тэр үеэ нээг их буруутгаж бодоод байдаггүй юм, хэсэгхэн тэр үеэсээ би үзэхээ үзэж, харахаа харж л хорвоо гэдэг ойлголтоо хачирлаж л байсан юм. Нэг өдөр дүрмийн дагуу явж ороод суудалдаа тухлаад хэсэг байж байтал эсрэг талын вип ширээн дээр нэгэн хүндэлдэг ах маань шал согтуу, хэдэн гаруудтай муудалцан...

 Өчигдөр сошиал ухаж явж байгаад нэг өмнө нь үзэж байсан киногоо сэргээж харав, энгийн нэг эмэгтэй энгийн нэг ажилтай, энгийн нэг амьдралтай. Гэнэт эрүүл мэндийн үзлэгт ороод өөрт нь гуравхан долоо хоног байгаа гэдгийг мэднэ. Хадгаламж, даатгалын мөнгө юутай ийтэй нь гаргаж аваад нэгэнт дуусах хорвоод хамаг дуртайгаа хийж амжуулах гэж оролдоно, мөрөөддөг байсан газраа очиж идэж үзэхийг мөрөөддөг байсан агуу тогоочийнхоо хоолыг идэхээр аялалд гарна. Шинэ жилийн үе таараад байх шиг байгаа юм, очсон газар нь цастай байдаг. Нэгэнт гуравхан долоо хоног үлдсэн тул ер нь л мөнгөөрөө цаг худалдаж авахаар шийдээд хүлээлгүүдийг алгасах сонголтууд хийнэ. Очих ёстой ресорт руу нь хүргэх зам цасанд хаагдсан байхыг мэдээд нисдэг тэрэг, орох ёстой өрөө нь сулраагүй байгааг мэдээд ерөнхийлөгчийн өрөө гэх мэт хамгийн үнэтэй олддог бүх боломжуудыг өөртөө цочихгүй зөвшөөрнө, үхэхээс хойш. Түүний очсон ресорт бол баячууд л төлж дийлдэг ер нь янзын газар байдаг юм. Хамгийн сүүлд тэнд Элтон Жон л нисдэг...

 Бага байхад манайх эмээтэйгээ зусланд гардаг байлаа, эмээгийн маань лагерь социйн үед засгийн газрынханы гардаг байсан жигжидэд байдаг байлаа, хашаа хороо байхгүй задгай талбай ихтэй, нийтийн модон жорлонтой, оройдоо ойр хавийн хүүхдүүд цуглаж бөмбөг тоглочихдог аятайхан зуслан байсан юм. Эрт үед Жигжид лам тэр хавиар зуншдаг байсан юм шиг байгаа юм, аятайхан булагтай, ойруугаа орохоор жимс самар ихтэй сайхан, гахай шувуу буга баавгай хүртэл багадаа харж байлаа би тэнд... Хавар болохоор хотоос зусландаа гарах гэж буурал ээж маань зээ дүүгээ дуудна, ахын нэг аавын цээж байсан юм... олон ч жил хавар намар буурал ээжийн маань нүүлтийг нуруун дээрээ үүрсэн дээ.  Аавын цээж гэж одоогоор бол пургон шиг хамартай, ардаа тэвштэй УАЗ машин юм, портерын үүрэгтэй ашиглагдаж байсан байх нь монголд. Яагаад ч тийм монгол нэр өгчихсөн юм бас сонин... Би дотроо бодоод бас хүмүүсийг ажиглаад байдаг юм... Хүний амьдралд хүний тэвш гэж нэг ойлголт, бас хутгадаг шанага гэж хоёр ойлголт байна. Энэ...

 Хэзээ ч юм энэ нэрийн багадаа л сонсож байсан юм. Зарчим гэж байгаа 80/20. Анх сонсож байсан хувилбараа эргэн нэг санах гээд үзье.  Шоргоолжны гэр бүл байжээ, гэр бүл ч гэж нэг үүр юм шиг байгаа юм. Ажиглалтын аргаар тухайн шоргоолжны бүлийг судлаад байхад шоргоолж гэдэг амьтан хөдөлмөрч боловч нийт бүтээмжийн 80хувийг 20хон хувийг нь бүрдүүлэх шоргоолж бүтээж байх юм гэнэ, эсрэгээрээ нөгөө 80хувьд ногдох шоргоолж нь жаахан залхуу гэх юм уу бүтээмж муутай гэх юм уу ер нь л 20хувьд ногдох ажлыг амжуулаад байж гэнэ. Судлаач бодно, хэрэв ийм юм бол хөдөлмөрч 20хувийг нь ялгаад нэг гэр бүл болгочихвол хөдөлмөр гэдгийг үзүүлээд өгөх юм байна, харин нөгөө залхуу 80хувь маань ер нь сүйрэх байх гээд туршилт хийжээ. Үр дүн нь гайхмаар сонин, үүссэн 2 бүл тус бүр дотроо дахиад л 20хувь нь илүү хөдөлмөр бүтээмж үзүүлээд 80хувь нь ер нь буйдангийн манаач болоотохсон гэнэ. За ингээд нэ зарчим ер нь амьдралын бараг бүх л олонлогт ажиглагддаг болох нь тодорхой болоод Парето гэдэг нэр дэлхий...

 Түүхэнд хэрэв гэж байдаггүй гээд эртээр нэг юм бичсэн шиг гэхдээ энэ удаад эсрэгээрээ ирээдүйн тухай бол хэрэв гэж байгаад бичиж болох юм шиг санагдлаа. Зүгээр л гэнэн тэнэг төсөөлөл болон тамхины цэгийн яриа гээд ойлгочихож болно энэ бичилтийг. Хэрэв Трамп гэдэг хүн Америкийн НЭГДСЭН улсын сүүлчийн ерөнхийлөгч бол энэ дэлхийд юу болох вэ? Хоёр туйлт хүчний төвийн өрсөлдөөн туйлдаа хүрч сансар огторгуйг хүртэл хуваан өмчлөх нь холгүй өрсөлдөж, дэлхийг хэдэн арван удаа устгах хүчтэй цөмийн хошуунуудыг бүтээгээд амжицгаасан Тухайн цаг үед СССР задрана гэдэг тухай ойлголт ер нь хүний ой тойнд орж байсан эсэхийг би төрөөгүй байсан болохоороо мэдэхгүй юм, гэхдээ л ховорхон л байсан болов уу.  АНУ хэрэв задарвал юу болох тухай төсөөлж нэг үзээд, ярилцаж нэг үзээд, асууж нэг үзээд үүнийг бичиж байна. Өнөөдөртөө бол Америк гэдэг улс дэлхийн эдийн засаг, улс төр, соёлын давамгайллыг яалт ч үгүй хадгалж байгаа орчин цагийн Ром гэдэгтээ маргах амьтан байхгүй. Гэвч гүрэн улс унадаг нь тү...

 Би чинь ер нь сураагүй ч гэсэн уг нь химийн гүнзгийрүүлсэн анги төгссөн хүн юм байгаан, манай ангиас эмч болон химичид бас нилээн байна. Хорвоогийн хуулиуд хоорондоо адилхан санагдаад байдгаа түмэн бодисын хичээлийн зарим дүрмээр тайлбарлах гээд үзье... Хүний нийгэм ч тэр бодисуудын огтолцол ч тэр дараах 5 урвалд орж нийлж салж нисэж мөлхөж урагшилдаг байх нь. НЭГДЭХ, ЗАДРАХ, ОРЛОХ, СОЛИЛЦОХ, АНГИЖРАХ... Амьдрал нтр гэж эмороод яахав, бизнес дээр тайлбарлах гээд оролдоё.  Хоёр хүнд нэгдмэл нэг санаа зорилго үүсчээ, цаашдаа хамт тухайн зорилгоо биелэл болтол нь хамт зүтгээд үр шимийг нь хамт эдлээд амжилт мамжилт юу байдаг юм хуу хамаад өгье л гэнэ, success rate нь хэд байх нь тухайн хоёр хүний 20мянган хувьсагчаас хамаарна, амжилт л хүсэх хэрэгтэй энэ мөчид нь... Болохоо болив, хоёр тийшээ болох сонголт нэгт үүснэ. Ямар наагаад тавьчихсан байгаа биш, бас амь биш заяа биш гэдэг дээ. Нийлсэн шигээ инээгээд салах бас тийм ч муу хувилбар биш юм бизнесийн ертөнцөд. Хэрэв хүн бүр ө...

 Шинэ зүйл гэж огтхон ч үгүй, сайтар мартагдсан хуучин зүйл л гэж бий гэдэг үг байдаг. Үүнтэй адил энергийн тухай хуулийг энгийнээр тайлбарласан байдал нь энерги устаж үгүй болохгүй, шинээр бий болохгүй буюу нэг хэлбэрээс нөгөө хэлбэрт шилжиж байдаг гэсэн физикийн шинжлэх ухааны суурь ойлголтуудын нэг билээ.  Энергийн энэ хуулийн суурь зарчим бидний амьдралын бүхий л талбарт хэрэгждэг нь гайхалтай. Эдийн засаг, амьдралын хэв маяг, сэтгэл зүйд хүртэл мөнгө, харилцаа болон сэтгэл гэдэг зүйлсээр өөр хоорондоо хөрвөн өнгө нэмсээр бидний амьдралыг баланстай болгодог тийм л шүтэлцээ оршин байх юм.  Өнөөдөр би өөрт байдаг нэг хуучин зүйлийг шинэ зүйл болгож авав. Өнгө нь гайхалтай энэ эд өдөр болгон надад нэгэн зүйлийг сануулахаар эргэж ирж байгаа нь энэ юм. Хүнс идсэн хүн хөдөлгөөн болгон зарцуулах, бодол хүртэл тархиний эрчим хүчийг хайр найргүй үрэн таран хийдэг, бодол нь үйлдэл, үйлдэл нь дадал, дадал нь тавилан болох гээд мөнхийн энэ хөдөлгөөн шинээр бий болдоггүй энгийн нэ...

 Олон л юм бичиж пост хийж энэ сошиал орчинд тонгочсон байна, бусдын юмыг шэйр хийх маань харьцангүй цөөхөн байдаг юм шиг ажиглагдав. Хэлэх гэсэн үг, хийх гэсэн үйлдэлээ л хэлснээ хийснээ л өөрийнхөө нийгмийн сүлжээнд, өөртөө л дурсамж болгож хадгалж байгаа маань өдөр болгон шахуу харагддан MEMORIES хэсгээр илрэх юм. Тэдэн жилийн өмнө өдийд тэгж байж, эдэн жилийн өмнө ингэж байж гэх мэтээр хөөрхөн хөөрхөн хүүхдийн юм биччихсэн ч байх шиг харагдах л юм. Гангста, Цагдаа, Чөтгөр гэдэг кино үзээд бүтэн биеэрээ шивээс хийлгэх тухай сэтгэл догдлон бодож байсан цаг минь саяхан харагдах... Хамгийн муу дүр нь сахалтай, шивээстэй, хулигаан, гэмт хэрэгтэн мэт эхлэх энэ зохиолын хамгийн сайн дүр нь явж явж манай хүнд гар... Чөтгөр бол мэдээж олигтой царайтай хүн тоглоогүй ч аймшигтай үзэн ядмаар дүр. Өөрийнхөөрөө байж чаддаггүй, чүрчгэр, энгийн үедээ дүр эсгэсэн тэр нөхөр хэдэн ч хүнийг нөгөө ертөнц рүү явуулаад байгаа юм бүү мэд. Сайн муугийн гүүрэн дээр ажилладаг цагдаа нарын дунд нэг хөндлө...

 Бага байхад үзэх харах юм одоогийнх шиг их байгаагүй юм шиг байгаа юм. Шинэ жил болохоор л зурагтаар гоё гоё нэвтрүүлгүүд гараад л, догдолж хүлээгээд л, хэдээс юу аль суваг дээр гарахыг нь анаад л их л ажил болдог байсан санагддаг. Аргагүй биз дээ, үндэсний телевиз нэмэх нь ubtv, за тэгээд алдарт ОРТ. Гял цал болсон хүмүүс шинэ оны хөтөлбөрүүдэд оролцоод, дуу хөгжим, инээд ханиад гээд зарим шинэ жилүүдээр яг юу хийж байснаа одоо хүртэл тод санаж байна. Мандариний үнэр, нийслэл салат, гадаргаараа хальт цайрсан шоколад, хиам, газтай ундаа. Миний насныхны дийлэнхи нь иймэрхүү дурсамжтай байдаг биз. Хамгийн тод санагдаж байгаа зүйлс бол манай гэр бүл зурагтынхаа өмнө тойрч суугаад хүмүүсийг шүүмжилдэг байлаа. Ийм ч юм өмсөөд байхдаа яадаг юм, энийг ингээд хэлчихгүй дээ, өө энэ бол бүтэхгүй гар байна гэх мэт. Үнэхээр л дутагдал нь харагдаад байгаа юмыг бид яалтай билээ. Тэр шүүмж чанар нь өнөөдрийн надад одоог хүртэл өвлөгдөн ирсэн байдаг ч би нэгэн шийдвэрийг өөртөө гаргаж шинэ жилийн...

 Заримдаа зүгээр л тахиа захиалаад идээд баясах чухал юм...

 Хорвоо дээрх амьдралын бүхий л үйл ажиллагааг тоглоомтой зүйрлэж болох юм шиг санагддаг, хамгийн энгийн жишээ бол бизнес. Тоглогч талууд нэг нь хожоод нөгөө нь хожигдоод дуусдаг тохиолдол олон. Эсвэл аль аль талууд хожигдоод дуусдаг, дайн бол үүний тод жишээ. Харин win win нөхцөлтэй дуусах тоглоом бол хамгийн аятайхан тоглоом ч юм шиг. Гэхдээ төгсгөл нь ямар байхаас үл хамааран тоглоом нь дуусдаг тоглоом, дуусдаггүй тоглоом гэсэн хоёр үндсэн ангилалд хамаарна гээд манай нэг Simon Sinek гээд ах сүүлд яриад байгаа юм. Үндсэндээ бид амьдрал гэдэг infinite game тоглоод дунд нь finite тоглоомуудаар зугаацдаг болоод явчих шиг байгаа юм.  Дуусдаггүй тоглоомыг дуусдаг тоглоомын дүрмээр тоглох гэдэг бол жишээ нь ухаантай хүний хийх үйлдэл биш гэнэ. Дуусдаг тоглоомын дүрэм нь ойлгомжтой, тоглогчид нь тодорхой, дуусах хугацаа нь ч ил.  Бензинээ дүүрэн байлгахын төлөө бид машин худалдаж авдаггүйтэй адил зөвхөн мөнгөтэй болох гээд хийдэг зүйлсээ хийдэг бол бид буруу тоглоомоо ойлгоог...

Ойрд ер нь дандаа амьдралын хэв маягаас болоод ч юм уу сургамжит рийл үзээд юм бодогдоод тэрийгээ хэд хоног боловсруулж бодоод бичээд байх шиг байна.  Сүүлд Denzel гэдэг жүжигчний хэлсэн нэг үг ёоонк гээд орж ирээд, орчуулах юм бол Амьдралынхаа эхний хэсэгт чи суралцана, амьдралынхаа хоёр дахь хэсэгт чи earn буюу олж авна, төгсгөлийнхөө хэсэгт чи буцааж өгнө гэсэн утгатай.  Би бол дунд хэсэгтээ явж байх шиг санагдаад байгаа юм, гэхдээ бас суралцаад дуусахгүй гэдгээ мартмааргүй байна. Гэхдээ буцааж өгөх бол ойлгомжтой, тэр үед өгөх зүйлтэй сууж байх гэдэг урт хугацааны тоглоом тоглож эхлэхээр шийдсэн билээ. Ер нь хүний хэрэгцээний оргил нь бусдад өгөх буюу хуваалцах байдаг юм гэсэн. Цагийн юм цагтаа, өгөх үедээ өгөхгүй бол бас эрт алдаж асгаад байвал бас юу ч үгүй хоцрох магадлалтай л юм. Тэглээ гээд бас өнөөдрөөс юу ч өгөхгүй байх нь хайшаа ч юм. Баланстай л байх нь дүрэм эсвэл хууль юм уу даа хорвоогийн.  Бөөрөнхий юм бичээд байдаг болчихсон ч юм шиг энэ залуу, яах вэ ам...

Түүхэнд хэрвээ гэж байдаггүй ч гэсэн энэ постыг би яг сайхан биччихмээр санагдлаа.  Мөнгөний тухай сонирхдог бол уншаад үзэхэд гэмгүй л байх... Bitcoin бүх цаг үеийн дээд ханшаа тогтоож 99мянган долларт хүрч рекорд тогтоосон тул сонирхолтой байх болов уу хэмээн бичиж байгаа юм.  2020 оны 4 дүгээр сарын сүүл болон 5 сарын эхэн үеийн үйл явдлын дурсамжийн баталгаа болгож screenshot харуулан та нартаа хуваалцаж байгаа юм.  Биткойн $6000-ээс $9000-рүү бараг л сарын дотор хүрээд, dollar нь 2800₮ байсан үед би дансандаа хөөрхөн хэдэн төгрөг байлгаад ямар нэгэн байдлаар хөрөнгө оруулалт юмуу худалдан авалт хийх гэж бодож байсан юм.  Лав 30 бүхэл биткойн авчихдаг юм билүү гэж ярьж байснаа санадаг юм. Тэгсэн бол өдийд 3 сая доллар буюу 10 орчим тэрбум төгрөгийн биткойн эзэмшиж байх байжээ.  Харамсалтай мэдрэмжээ илэрхийлж байгааг бодоход би аваагүй өөр шийдвэр өөр худалдан авалтууд хийсэн байх нь... Алт $1200-аас $1900-руу бас гялс хүрч хүмүүс шаагилдаал би тэр үед 800гр...

 Ондоо ах гэдэг нэг дүр гаргаж ирэх тухай бодож байхдаа инстаграм хаягаа тэгж нэг өөрчилж байжээ Эрхмээ. Ер нь яахав дүр бүтээх нтр гээд урлаглаг уншигдаж болох ч хүн бүр л хэн нэгний хувьд тухайн хүнд үлдсэн дүр болж амьдралд нь дурсагддаг нь жам мэт.  Нэг хэсэгжин сайн ах гэдэг яриа хаа сайгүй л явсан юм тэр үед, гэвч үгний утгаа бүрэн алдаад бүр эсрэгээрээ ойлгогддог муу банди нарыг хэлдэг үг болчихсон нь одоо ч тэрүүгээрээ хэрэглэгддэг. Би бол сайн ах л явсаар дуусмаар санагддаг бас хүсдэг, настай хүмүүсийг би эмээ эсвэл өвөө гэж ер нь л дуудаж үзээгүй байх. Ахаа эгчээ л гээд яваад байдаг. Тэд ч бас өөрсдийгөө залуугаараа төсөөлж явдаг ч юм билүү. Тийм байхад нь хаа хамаагүй би өвөө эсвэл эмээ болгоод байвал хэнд л таатай байв гэж. Намайг лав цэл залуу 70хан настай явж байхад өвөө гэж дуудвал хажууд байгаа юмаа аваад толгойг нь хага цохино.  Бусдын хайр хүндэтгэлийг хүлээх, хүн бүхэнд таалагдахыг хичээх нь бидний амьдралын нэг хэсэг мэт харагддаг. Гэвч үнэн хэрэгтээ х...

Амьдралд бидний өмнө олон зам гарч ирдэг. Зарим нь шулуун, тодорхой байхад зарим нь хэцүү, ойлгомжгүй. Гэвч хамгийн том алдаа нь энэ замуудын дундаас сонголт хийхээс айх явдал юм. Бид заримдаа өөрт оногдсон амьдралын сорилтыг халуун сэтгэлээр хүлээж авахгүй, эсвэл хүйтэн хөндий хандсан ч үгүй, дунд зэргийн, төвийг сахисан байр суурьтай үлддэг. Энэ бол амьдралын хамгийн аюултай байдал юм. Яагаад гэвэл энэ нь биднийг дотроос идэж, өсөлт хөгжилтөд саад болдог. Илчлэлт номонд бичсэнээр“Чи халуун ч биш, хүйтэн ч биш... Чи халуун эсвэл хүйтэн байсан ч болоосой! Гэтэл чи бүлээхэн учраас би чамайг амаараа хаяна.” (Илчлэлт 3:15-16) Энэхүү ишлэл нь надад гүн гүнзгий сэтгэгдэл төрүүлдэг. Учир нь бидний амьдралд, бизнес эсвэл хайр дурлалын харилцаа, эсвэл өөрийнхөө мөрөөдлийг биелүүлэх тал дээр ч энэ хандлагыг баримтлах гэж оролддог. Өөртөө үнэнч биш, зорилгогүйгээр амьдарвал бид дундаж, төвийг сахисан, эргэлзээтэй байдалд гацаж үлдэнэ. Хэрэв чи бизнесээ эхлүүлсэн бол зорилготойгоор, тууштай явах ...

 Нүд харснаараа ханадаггүй.  Сэтгэлгээ гэдэг зүйлийг сонирхоод ер нь багагүй хугацаа өнгөрчээ би. Харсан үзсэн сонссоноороо л хорвоогийн амьдралын газрын зураг, өөрийн амьдралын далайцийг тодорхойлж амьдардаг хүн гэдэг амьтанд нүд үзээгүй чих сонсоогүй зүйлсийн талаар хуваалцаад үнэмшүүлэх тийм ч амар ажил биш. Үүнийг итгэл гэдэг байх.  Одоогийн нийгэмд нэгэндээ итгэх ер нь хялбархан үйлдэл биш болсон ч харилцаан дээр нэгэндээ итгэхгүйгээр хэрхэн урагшлах билээ.  Мэдэх болон итгэх, баталгаа байгаа зүйлд итгэх шаардлага үгүй мэт. Бусдын дотор орж үзээгүйгээс хойш бүрэн мэдэхгүй нь ойлгомжтой. Тэгэхээр итгэх л сонголт үлдэж байна.  Олон хүний чаддаг зүйл биш нь харамсалтай.  Юу ч илэрхийлэх гэсэнгүй зүгээр л бодогдсон зүйлсээ бичлээ. Хүнд ч зориулаагүй юм өө...

 Ямайка аймаг гэж сонссон л байлгүй, улаанбаатар хотын баруун урд хэсэгт туурга тусгаар бүхэл бүтэн ямайка аймаг бий болоод багагүй хугацааг өнгөрөөжээ. Тэнд амьдарагсдын тухай үлгэр домог шиг ярианууд их бий. Өдөр бүр яармагаас ажилдаа явдаг хүнээс айж амьдардаг, өөр юу ч чаддаг юм билээ, давсаг нь томроод өөр хүчин чадалтай болсон байдаг гэх зэрэг ярианууд дуулдаад удаж байна.  Өнгөрч буй долоо хоногт дүрмийн дагуу тийшээ алдарт 2 шөнө 3 өдрийн аялалд гарав аа. Ер нь бол яармагийн гүүрнээс нисэхийн тойрог хүртэл яг 9км буюу Сүх ахын талбайгаас 5шар хүртэл явахтай адилхан урт зам байдаг юм. Яагаад ч юм сүүлд суурьшлын бүс болсон болохоор надад лав тэгж урт хол санагддаггүй юм. Яармаг л бол яармаг гэдэг шиг. Гэвч бодит үнэн нь дийлнэ гэдэг шиг миний явах зам, түүнийг туулах хугацаа дархан орох шиг л байхыг би яаж төсөөлөх билээ. Өдөржин уусан шингэн хүнс маань боловсроод гадагшлахын цагт би ганцаараа алдарт түгжрээн дундаа л байж байх нь тэр. Нисэхийн тойрог ер нь их л ойрхон ...

 Яагаад ч юм анх юм хийж эхэлснээсээ хойш би төрийн байгууллагын үйлчилгээ авах тун дургүй хүн байлаа. Гээндээ ч би гоондоо ч би гэдэг шиг надад учир байсан байхаа. Өнөөдөр Мишээл төвд байрлах нэг цэгийн үйлчилгээн дээр өдрийг өнгөрөөх болов. Ажлаа амжуулах гэсэн хэдэн зуун л хүн энүүгээр холхиж байна. Хамгийн амгалан байгаа нь би бололтой. Ёстой ногоон хурганы арьс нохойн битүү туурай гэдэг шиг энд төрөөс авч болох бүхий л төрлийн үйлчилгээ нэг газраа төвлөрчээ. Магтая... Ер нь ийм төрлийн нэг цэгийн үйлчилгээ эрүүл мэнд дээр, эрдэм мэдлэг дээр, бизнес хөгжүүлэлт дээр, гэр бүлийн харилцаан дээр болж өгвөл бүх зүйл дээр байдагсан бол их л амархан амьдрал маань урагшлах шинжтэй шүү.  Хорвоогийн хамгийн ухаантай хиймэл оюуныг бүтээгээд бүх хүмүүс нэг газар цуглаад асуусан юм гэдэг, амьдралын утга учир юу вэ гээд... нөхөр хиймэл оюун бодож бодож тооцоолж тооцоолж нэг хариу гаргажээ. НЭГ гээд... хиймэл оюунаас асуух шаардлагагүй асуулт, нөгөөхийнх нь хариулж байгаа хариултын жин б...

 Уул усны дунд нэгэн кофе шоп байдаг юм, уух зүйлсэд нь сэтгэл шингэсэн, үйлчилгээнээс нь нөхөрлөл үнэртсэн тийм л нэг жижигхэн газар. Mondo гэдэг нэртэй энэ газар, орчуулбал ЕРТӨНЦ гэсэн утгатай. Би бусдын хийсэн биюүтифүл зүйлсэд их л нээлттэй хандаж таашаах хүсэлтэй энгийн нэг залуу гэж өөрийгөө бодох дуртай.  Бага байхад буурал ээжийн минь хийж өгдөг байсан өглөөний цай, хоол, хайрсан боорцог, зуурсан замбаа, хайлмаг өнөөдрийг хүртэл миний идсэн хамгийн л сайхан амттай зүйлс хэвээрээ л байсаар байна. Сэтгэл шингэсэн байсан болохоор одоо ч миний дурсамжийн хамгийн өнгөлөг нь хэвээр байгаа бизээ.  Зарим бизнесүүдээс яг л тэр хандлага, яг л тэр амт, яг л тэр мэдрэмжийг мэдрэхэд үнэхээр хэлэх үг олдохгүй тухтай мэдрэмж төрдөг. Мөнгөний төлөө хийгээд байгаа биш гэдэг нь тодорхой тэдгээр бүтээгдэхүүн үйлчилгээнүүд timeless учир хэзээ ч үйлчлүүлсэн яг л тэр хэвээрээ байх нь гайхалтай. Нэг дизайнер найз маань надад хэлж байсан үг үргэлж бодогддог болсон, бүх зүйл учиртай гэж....

 Монгол ах нарын тухай зөндөө л хөгжилтэй яриа байдаг, монгол ах нар... Бага байхад байрны ах нар гээд том том ах нар л байгаад байдаг байсан, одоо бодоход нас нь 30 хүрээгүй л нялхаараа юмнууд байсан байгаа байхгүй юу. Ганган гэж жигтэйхэн, юм мэднэ, хүн танина гэж айхтар. Одоо үед яахав дээ нөгөө хэд маань хаана юу хийж яваа юм бол гэдэг бодол хааяа орж ирнээ. Тогтсон ажил эрхлэхгүй ч аятайхан машинтай, мөнгө төгрөгөө яаж болгоод байдаг юм гэмээр амьдралын хэвшилтэй ч цаанаа бас хурган хур хөрөнгөтэй хэсэг бүлэг ах нар хааяа улстөр хааяа бизнесийн хов ярьж тааралдана. Өө ах нь саяхан тийшээ явчихаад ирлээ, жаахан зугаалаад нтр гэдэг яриатай. Сайн муу хэлээд байх юм байхгүй энгийн л амьдрах гэж яваа адилхан л эр хүн харагддаг болж, би өөрөө удахгүй Монгол ах болох насан дээрээ ч явж байгаа юм шиг. Яг юу хийдэг нь мэдэгдэхгүй ч хөөрхөн нөлөөтэй ах нар бол хайр шүү.  Өөртөө наагаад байгаа юм байхгүй ч эхнэр хүүхэд нь өнгөлөг, унасан машинаараа л хааяа нэг гангарах гэж үзнэ, гэх...

 Хүн мэдэх шаардлага байна уу? хэрхэн хичээж байгааг минь, хэрхэн алдаж бас онож байгааг минь. Өөртөө үнэнч л явах их чухал санагдаад байдаг болсон гээд бичээд л байгаа даа... Блогспот устчихгүй бол энийг хүү минь ч ирээдүйд уншиж юуны магад, аав нь зөндөө их хайртай... 

 Ер нь тэгээд өдрийн нэг төвлөрч суугаад ямар нэг юм бичих гэдэг бас сонирхолтой чалленж байж чадаж байна. Цаг гаргаж суугаад цээжнийхээ пангаар бурна гэдэг чинь алаан байхгүй юу гэдэг шиг... Ойрд ажил хэргийн шалтгаанаар олон бизнес эрхлэгчидтэй их уулзаж байна, нэг л зүйл ойлгомжтой харагдаж байна. Манай улсад санхүүгийн чиглэлийн бизнес шийдлүүдийн хэрэгцээ асар өндөр байна. Бас бизнесүүд өөрсдөө ч гэсэн мэргэжлийн болж төлөвших шаардлага өндөр байна. Би 3 жилийн өмнө бол тун удахгүй бизнесүүд ер нь мэргэшчихнэ гэдэгт итгэлтэй байдаг байлаа. Өнөөдрийн байдлаар том ч бай жижиг ч бай компаниуд хэрэндээ хичээж байгаа ч утгаар нь бизнес эрхлэхгүй байна, мэргэжлийн биш байна, сонирхогчийн жижиг тоглолтууд л хийгээд яваад байх юм. Цаг нь гэхдээ ирж л таараа.  Хамгийн урт оршин тогтнож байгаа компаниуд гэхэд сая л дөнгөж 30 жилийнхээ ойг хийцгээж байгаа нь Монголд энэ салбар утгаараа шинэ байгааг илтгэх бөгөөд төдий чинээгээр олон орон зай хоосон байгаа нь мөн тодорхой. Олон л асу...

 Эрх чөлөөгөө хориулсан нэг хайртай найзыгаа хараад өнөөдөр өөрийн эдэлж байгаа luxury-г ухаарах шиг боллоо...  Мандтугай!!!

 Өчигдөр төвлөрөх гээд ком дээрээ сууж байлаа, чихэвчтэй болохоор ойр орчим юу болж байгаагаас тасарсан маягтай. Уучлаарай гэж сонсогдох шиг болохоор нь би эргээд харлаа, нэг хүүхэн ам нь хөдлөөд яалт ч үгүй надаас юм асууж байнаа. Чихэвчээ аваад айн гэтэл намайг Та монгол хүн үү гэнээ хаха. Утасны цэнэглэгч л асууж байгаа ухаантай юм байна лдаа. Монгол уу? Би монгол хөөн, Жавхланд дуртай биш ч Нутгийн үнэртэй салхи сонсоод уйлчих гээд байдаг монгол хүн. Үгэндээ эзэн байх гэж хичээдэг монгол, өөртөө үнэнч байх гэж оролддог монгол, өөр сэтгэлгээнд дуртай ч би яалт ч үгүй монгол юмөө.  Уржигдархан нэг найзтайгаа Монголын тухай, Чингисийн тухай, нүүдэлчдийн тухай нилээн гүн яриа өрнүүлээд ойрд иймэрхүү сэдвээр амттай яриа өрнүүлсэн байсан болохоор намайг асуусан Та монгол уу? гэдэг асуулт их л сонин орж ирэв. Ер нь Монгол гэж яг ямар ойлголт юм бэ? Монгол эр хүн, монгол эмэгтэй, Монгол соёл, ахуй, Монгол улс. Бидний тухай гадныхан л нилээн дүгнэдэг ч бид ер нь өөрсдийгөө хэр дүгн...

 Өнөөх л санаа, өдөр бүр үйлдэх. Үйлдэх бүртээ жижигхэн дэвшилтэй байгаад байвал нийлмэл хүүгийн арга шиг нилээн урагштай байх юм байгаан. Танил санаа, танил сургааль.  Нэг удаа дасгал хийгээд турчихдаг, нэг удаа шүдээ угаагаад цайрчихдаг юм гэж юу байхав. Үр дүн нь үл харагдах тэр л зүйлсийг өдөр бүр итгэмжтэйгээр хийх дадал өнөөдрийн надад их л хэрэгтэй байна даа...  Юутай ч өмнөхөөсөө дээр байгаа би.